الرئيسية | مجتمع الوطن | زهور شنوف ـ الو سبيكتور راك تسمع فيا! راك وحدك! لالا راني لايف في انستغرام

زهور شنوف ـ الو سبيكتور راك تسمع فيا! راك وحدك! لالا راني لايف في انستغرام

بواسطة
حجم الخط: Decrease font Enlarge font
image

 

زهور شنوف 
 

 

 

والي المسيلة يقول بان فيديو سيدي عيسى، صوره مجهولون سوطاو من فوق الحيط وقاموا برمي جثة ميت بالكورونا وتصويرها للاساءة لمنعرف واش! 
فرضا صدقنا هذه الفرضية غير المنطقية، تاع واحد قاعد في غرضو جاه الكلب وسوطا م الحيط و"كركر" جثة لمنتصف الباب وصورها بذلك الشكل، والنفايات حملوها فالطاكسي الطائر لداخل المستشفى ولا سوطات معهم ولا كيفاش! وهذا السبيطار مافيهش مسؤولين ولا موظفين ولا مرضى يشوفوا هذا الفعل الشنيع ويوقفونه! وين راحوا الخدامين ولا سبيطار بهذاك الحجم مافيهش الخدمين غلقتوه بسبب الحجر شغل صال دي فات! ولا وش!
من الاخير العملية الاتصالية تاعكم راها فضيحة، حبسوا م التمسخير هذا رانا في ازمة وفي كل دار راهي الموت تركت اثرا رهيبا ع الناس، اذا اخذنا بالارقام الرسمية فقط، ازيد من الف ميت بلا جنازة ولا حداد ولا حزن! كل واحد عايش جرحو وغالق عليه وانتم تحسبوا الهراء هذا راح يخلع الناس وما تصورش! راكم غالطين العالم تغير والفاكس انقرض، واللي يشوف والدته تحتضر بسبب قارورة الاوكسيجين ماراحش يخمم في التخويف تاعكم بالاسلوب تاع الطولكي ولكي تاع عام دقيوس، احشموا اطلقوا ولاد الناس ووفروا للاطباء الاجهزة والوسائل اللي تحميهم وتحمي المرضى، وتخلي قضاء الله عندما يحل يكون لطيفا على الطبيب وعلى المكلوم..
بلادنا نعرفوها ونعرفو كيفاش تسير ونعرفو سبيطاراتها ونعرفو بلي القادر يداوي في تونس وتركيا ويقدر يزيد لهيه على حساب الامكانيات، والمسؤول يداوي في سويسرا وفرنسا، وسبيطار الزوالية كاش معريفة ولا مكاش انت وزهرك فاش اطيح.. الوقت ليس مناسب للوم احد على هذا الوضع، لان اللوم لا راح ينقص عدد المصابين ولا راح يحيي اللي ماتوا ولا راح يعتذر للاطباء اللي راهم يتعرضوا للمهانة والضغوطات من كل جهة ولا راح يصبر الناس اللي راها حاسا بالقهر بسبب القضاء والوضعية الكارثية..
هذا المستوى الاتصالي من القاعدة الى القمة، والحلول الامنية تاع اللي يهدر تقولو روحو ارفدوه، لن تخرجنا من عنق الزجاجة، وانما راح تعقد الوضع وتدفع الامور للانحراف أكثر، اخدموا خدمتكم بلا شطيح بلا محارم واستعراض فاشل، زمن العبودية واضربوا يعرف مضربو لم يعد ممكنا منذ سجل مارك بيانات كل العالم في جيبه، وانتم عايشين افلام سبيكتور الطاهر، روحو القاو حلول للمشاكل او على الاقل ابذلوا جهدا لذلك دون كذب وتضليل واختراع مذنب مفترض، حتى يطمئن الناس ويستطيعون العفو رغم الضرر..

 

شوهد المقال 546 مرة

التعليقات (0 تعليقات سابقة):

أضف تعليقك comment

  • أرسل إلى صديق أرسل إلى صديق
  • نسخة للطباعة نسخة للطباعة
  • نسخة نصية كاملة نسخة نصية كاملة
طالع أيضا
image

عثمان لحياني ـ سندي الأول ..الجيش

عثمان لحياني  في مجمل الحوار تغيب الرؤية ولا يحضر المشروع ، تَحضر النوايا ولاشك لكنها لا تقدم ولا تؤخر في حاضر الأزمة، مخرجات الحوار موجودة في
image

العربي فرحاتي ـ هذا اقذر نفاق سياسي..رأيته

د. العربي فرحاتي  الحراك الشعبي - كما عايشت فعالياته وفهمته في كليته - مسار واضح لم يتغير منذ بدأ..مسار حدد في شعاراته المركزية الوطنية التي باتت
image

رضوان بوجمعة ـ نحو انتخابات عدد مترشحيها أكبر من عدد الناخبين!؟

د.رضوان بوجمعة  الجزائر الجديدة 196خرجة مقيم المرادية، أمس، وبعيدا عن مناقشة شكلها ومضمونها، أهم رسالة سياسية فيها للجمهور، كانت القول إن الانتخابات التشريعية ستتم بعد 3
image

الحرية للناشط السلمي محاد قاسمي Free Mohad

الحرية وكل التضامن مع الناشط السلمي المدافع عن خيرات الجزائر محاد قاسمي الذي يرفض اليوم طلب الإفراج المؤقت عنه في ادرار وتلفق له تهم خطيرة
image

وليد عبد الحي ـ مشروع سمو الأمير حسن للشرق الاوسط

أ.د .وليد عبد الحي نشرت صحيفة يديعوت أحرنوت مع نهايات شهر شباط/ فبراير الماضي نص رسالة او مقال منسوب لسمو الامير الحسن حول رؤيته لمشكلات
image

عبد الجليل بن سليم ـ الحراك بين.le peuple و l'individu

د . عبد الجليل بن سليم  قبل ما نبدا. مستحيل تفهم السياسة و الانسان ما قراش التاريخ، شخصيا من أهم الفترات اللي أفادتني ياسر في فهم
image

بوداود عمير ـ الاشعاعات النووية من الصحراء الجزائرية لجبال فرنسا

بوداود عمير   تظهر الصورة منظرا من السلسة الجبلية "جورا" الفرنسية على الحدود السويسرية، وهي منطقة معروفة بكثافة ثلوجها وسُمكها، وقد تحوّلت من اللون الأبيض إلى اللون
image

نصر الدين قاسم ـ عور التحليل وبؤس التدليل

نصرالدين قاسم أعاب بعض الإخوة بعض الشعارات التي رفعها بعض المحتجين، وهتفت بها حناجر بعض الغاضبين في مسيرات الجمعة السادسة بعد المائة، ووجدوا فيها صهوة للتحامل
image

نجيب بلحيمر ـ مجازفة التأويل " شعارات الحراك الجزائري "

نجيب بلحيمر  الاستغراق في التحليل قد يحجب عنا التفاصيل البسيطة التي نراها على الأرض، والاجتهاد في البحث عن قراءات تؤكد ما نفكر فيه يؤدي في بعض
image

رشيد زياني شريف ـ اسئلة للقانوني رضا دغبار حول الحراك الجزائري

د. رشيد زياني شريف  لا نخوّن أحد، لكن، لن تكمموا أفواهنا، نحن أحرار ولا نساوم فيما نعتقده حقاأوجه جملة من الأسئلة إلى السيد رضا دغبار، هي

:

لا توجد مدونات لهذا الموضوع

قيم هذا المقال

0
Free counter and web stats