عبد الجليل بن سليم ـ الحراك الشعبي ، علمانية ، مدنية ، إسلامية؟!!
بواسطة
2020-03-11 23:54:10
حجم الخط:
د. عبد الجليل بن سليم
بعد سنة من الحراك الشعبي لم نطرح السؤال المهم ماهي الدولة التي نريد أن نبني ؟؟!! صحيح رفعت شعارات مدنية ماشي عسكرية لكن لا يوجد هناك طرح يوضح الميكانزم الذي يجب أن يقوم بها الشعب لكي نختار توجه فكري لبناء جزائر المستقبل و لكي نجد ماهو الميكانزم الذي يجب أن نجد نضع هدا المثال لعلى و عسى !!.
طبعا !! الكثير منا عندو صديق في أمريكا تخيل هدا الصديق جابلك خلاط un mixeur هدية من أمريكا المهم أنت حليت هداك الخلاط لقيت أن اللي يوصل الكهرباء تع الخلاط فيه 3sortie electrique أنت رحت عند محل تع كهرباء مدلك موصل خارجي فيه 2sortie electrique باش توصلو مع الموصل الكهربائي تع الخلاط و أمبعد هداك الموصل الخرجي توصلو مع اللي فيه 3sortie electrique لكن أنت بديت تمشي في الخلاط لكن بعد 20 ثانية الخلاط تحرق لتكتشف أن في أمريكا يمشو بكهرباء 110 فولت و في الجزائر نمشو بكهرباء 220 فولت.
في أمريكا يمشي عادي في الجزائر تحرق هنا واش لازم نعمل يا إما نجيب محول يخلي الكهرباء اللي طالعة من la prise electrique اللي هي 220 فولت يخليها 110 فولت أو اشتري من الجزائر خلاط يمش ب-220 فولت و فك عليا الهرج .
لكن الشيء المؤكد أني مشر راح أبعت رسالة لمديرية الكهرباء و إلغاز باش يبدلو نظام الكهرباء تاع الجزائر كاملة من 220 فولت إلى 110 فولت باش يمشي الخلاط تاعي .
نفس الشيء ينطبق على أي توجه فكري نريد به بناء الجزائر عندك إحتملان :
1- يا إما تجيب نظام حكم و تحاول كيف توظفو مع الضروف و ثقافة المجتمع و تحترم الأبعاد التي تكون المجتمع الجزائري (كما درنا كرحنا شرينا محول يخلي الكهرباء اللي طالعة من la prise electrique اللي هي 220 فولت يخليها 110).
2- أو تبدأ بالشيء اللي عندك في الجزئر تبدا في تطويره و إصلاحه لكي يتماشى مع متطلبات العصر .
في الجزائر عندك تراث يخليك تعمل نظام سياسي يعبر عن الشعب و يحمي الشعب و لا يختلف عليه الشعب لانه بكل بساطة سوف يأتي من تراث يشبه الشعب و هدا التراث هو ذلك المزيج بين البعض الأمازيغي و الاسلامي اللي تزخر به الجزائر.
شوهد المقال 489 مرة
أرسل إلى صديق
نسخة للطباعة
نسخة نصية كاملة
التعليقات (0 تعليقات سابقة):
أضف تعليقك