أمينة بومعراف ـ واش صار ليوم الثلاثاء 52 بالجزائر العاصمة ؟
بواسطة
2020-02-19 21:52:45
حجم الخط:
أمينة بومعراف
الثلاثاء مسيرة الطلبة انطلقنا من ساحة الشهداء كيما مالفين، كان غاشي عيطنا مطالب مختلفة كيما مالفين كلش جايز أنتيك، حتى لحقنا la grande poste وين الشرطة اعتقلت واحد مالمتظاهرين، بطبيعة الحال رحنا كامل موراه نسيو نجيبوه بصح فاتونا و رماوه داخل camion و غاول تمتم ديمارا و هنا الشرطة بداو يضربو و يطبعو فينا و يسبو، ضربو دبازي، صقالي، كو دو بيي... و سياو يرفدو بزاف طلبة مي كنا غاشي ماخليناهمش، أومباعد ولينا للور لاخطرش بزاف داخو و كانو معانا بزاف شيوخا خفنا عليهم، المهم فالطريق دسيدينا نروحو لديدوش و نحبطو لحسيبة نكملو المسيرة لتم قابلنا dispositive تع الشرطة و زادو ضربو و قمعو بزاف هنا ماخلاو حتا واحد، شدينا شوية أومباعد ولينا للور حبسنا درنا sit in كيما "ساحة حرية الصحافة" و جينا مكملين جهة rue charras حتا صبنا الشرطة غالقين تانيت و يسناو فينا
شوهد المقال 99 مرة
أرسل إلى صديق
نسخة للطباعة
نسخة نصية كاملة
التعليقات (0 تعليقات سابقة):
أضف تعليقك